«Քվանտ» վարժարանի պատմությունը

2006 թ.

«Ձեռնարկությունների ինկուբատոր» հիմնադրամի աջակցությամբ «Քվանտի» ամառային ճամբարում կազմակերպվում է ինֆորմատիկայի ամառային դպրոց-2006, որին մասնակցում են տարբեր երկրներից (ՌԴ, Վրաստան, Լիբանան), նաև Արցախից ժամանած աշակերտներ: Ծրագրի նպատակն էր խթանել տեղեկատվական տեխնոլոգիաների կիրառումը կրթական բնագավառում: «Քվանտ» է այցելում ԿԳ նախարար Ս.Երիցյանը` վարժարանի ձեռքբերումներին ծանոթանալու նպատակով: «Քվանտը» նշում է իր հիմնադրման 15-ամյակը: ՀՀ նախագահի 12.09.2006թ. հրամանագրով Ռ. Վարդանյանին շնորհվել է ՀՀ վաստակավոր մանկավարժի կոչում: Վարժարանի շախմատի թիմը ճանաչվում է տարածքային շախմատի օլիմպիական հաղթող: «Քվանտի» սան Դ. Եպիսկոպոսյանը քիմիայի միջազգային Մենդելեևյան օլիմպիադայում արժանանում է ոսկե մեդալի: