ՔՎԱՆՏԱԿԱՆԻ ԲԱՐԵԳՈՐԾՈՒԹՅՈՒՆԸ՝ ՀԱՆՈՒՆ ԶԱՐԳԱՑՄԱՆ...
08.09.2022
Գրքի տոնին նվիրված միջոցառումների շարքում իր բացառիկությամբ առանձնանում է փոքրիկ քվանտականների մի հրաշալի նախաձեռնություն, որն ուներ «Գիրքն անգին է» խորագիրը:
Մայրենիի օրվան ընդառաջ «Քվանտ» վարժարանի հիմնադիր դպրոցի սովորողները այս տարի նույնպես պատրաստեցին գրքեր։ Ուշագրավն այն էր, որ այս տարի երեխաները որոշեցին կազմակերպել ցուցահանդես-վաճառք, վաճառել իրենց իսկ ձեռքով պատրաստած գրքերը և ողջ հասույթը տրամադրել բարեգործության։ Փոքրիկ քվանտականների այս հիանալի նախաձեռնությունը ունի կարգախոս՝ «Բարեգործություն՝ հանուն զարգացման»։
Գրքերի վաճառքից գոյացած ողջ գումարը տրամադրվեց «Քվանտ» վարժարանի լավագույն բարեկամ «Կողբ» հիմնադրամի՝ Տավուշի մարզում «Թումո» կենտրոն բացելու ծրագրին։
Ուրախալին այն է, որ 3 օրվա համար նախատեսված ցուցահանդես-վաճառքի մի քանի տասնյակի հասնող գրքերը սպառվեցին անհավատալի արագությամբ՝ ընդամենը մի քանի ժամում:
Ուզում ենք հավատալ, որ փոքրիկ քվանտականների այս կարևոր նախաձեռնությունը կծառայի իր նպատակին՝ փայլուն օրինակ դառնալով նաև այլոց համար:
