ԲԱՑԱՌԻԿ ՀՆԱՐԱՎՈՐՈՒԹՅՈՒՆ ՀԵՆՑ ՔԵԶ ՀԱՄԱՐ
08.09.2022
Գրանցվի´ր անվճար դասընթացին, մասնակցի´ր մրցույթին և ստացի´ր անվճար կամ արտոնյալ պայմաններով «Քվանտ» վարժարանում սովորելու հիանալի հնարավորություն:
«Քվանտ» վարժարանը կազմակերպում է մաթեմատիկայի անվճար հեռավար դասընթացներ 5-9-րդ դասարանների այն աշակերտների համար, որոնք ցանկանում են մասնակցել «Oժտված երեխաներ - Քվանտ 2019» մրցույթին և համալրել վարժարանում անվճար կամ արտոնյալ պայմաններով սովորող աշակերտների շարքը։ Դասընթացները բացառիկ հնարավորություն կտան մասնակիցներին խորացնելու իրենց գիտելիքները մաթեմատիկա առարկայից և լրջագույն ձեռքբերումներ ունենալու ոչ միայն այս մրցույթում։ Հեռավար դասընթացները մեկնարկել են դեկտեմբերից։ Դրանց կհաջորդեն առկա պարապմունքները, որոնք վարում են «Քվանտ» վարժարանի և ԵՊՀ առաջատար մասնագետները։
«Օժտված երեխաներ - Քվանտ 2019» մրցույթը տեղի կունանա 2019 թ․ մայիսի 5-ին և 9-ին՝ գրավոր և բանավոր փուլերով։
Հաղթողներն իրավունք կստանան նոր ուսումնական տարվանից անվճար կամ արտոնյալ պայմաններով որակյալ կրթություն ստանալու վարժարանում։ Նրանք կունենան նաև առանձին արտոնություններ 11-12-րդ դասարաններում ուսումը վարժարանի Միջազգային բակալավրիատի «Դիպլոմա» ծրագրով (IB Diploma Programme) շարունակելու դեպքում:
Դասընթացներին և մրցույթին մասնակցել ցանկացողները ցուցակագրվելու համար կարող են զանգահարել 010-42-22-17, 091-23-29-51 հեռախոսահամարներով կամ այցելել «Քվանտ» վարժարան (հասցեն՝ Բագրատունյաց 23/2):
