Երիտասարդական միջազգային օլիմպիադա 2022
08.09.2022
Երիտասարդական միջազգային օլիմպիադան Ռուսաստանի կառավարության կողմից հովանավորվող «Էկոնոմիկայի բարձրագույն դպրոց» Ազգային հետազոտական ինստիտուտի ամենամեծ նախագծերից է:
Օլիմպիադայի մասնակիցները հնարավորություն ունեն հավակնելու ստանալ դրամաշնորհներ և կրթաթոշակներ: Նախագծին յուրաքանչյուր տարի մասնակցում է աշխարհի 90 երկրներից ավելի քան 4000 աշակերտ: Օլիմպիադայի արդյունքները վավեր են 2 տարի, ուստի՝ օլիմպիադայի հաղթողներն ու մրցանակակիրները 2022 և 2023 թվականներին «Էկոնոմիկայի բարձրագույն դպրոց» Ազգային հետազոտական ինստիտուտի բակալավրիատի կրթական ծրագրով ուսուցմանը դիմելու դեպքում՝ կարող են հավակնել Ռուսաստանի Դաշնության կառավարության ամբողջական պետական կրթաթոշակի:
Մասնակցության համար կարող են դիմել օտարերկրյա քաղաքացիները և քաղաքացիություն չունեցող անձինք ովքեր.
- սովորում են դպրոցների, քոլեջների, լիցեյների, գիմնազիաների 9-11-րդ դասարաններում (12-ամյա կրթական համակարգի դեպքում՝ 10-12-րդ դասարաններում),
- օտարերկրյա հանրակրթական կազմակերպությունների շրջանավարտներ կամ արտասահմանյան բուհերի ուսանողներ են:
Օլիմպիադային մասնակցությունն անվճար է: Հայտերի ներկայացման վերջնաժամկետն է ս.թ. հոկտեմբեի 10-ը: Օլիմպիադան անցկացվելու է ս.թ. հոկտեմբերի 20-ից 30-ը՝ առցանց և առկա ձևաչափով: Ամփոփիչ արդյունքները կհրապարակվեն Օլիմպիադայի պաշտոնական կայքում՝ մինչև ս.թ.դեկտեմբերի 24-ը:
Օլիմպիադայի անցկացման ոլորտային ուղղություններն են. Կենսաբանություն, արևելագիտություն, դիզայն, լրագրություն, օտար լեզուներ, տեղեկատվական տեխնոլոգիաներ, պատմություն, մաթեմատիկա, մեդիահաղորդակցություն, միջազգային հարաբերություններ, իրավունք, հոգեբանություն, գովազդ և հասարակայնության հետ կապեր, արդի քաղաքականություն, սոցիալական գիտություններ, բանասիրություն, փիլիսոփայություն:
Երիտասարդական միջազգային օլիմպիադա 2022-ին մասնակցության գրանցման համար անցնել հետևյալ հղումով՝ https://asav.hse.ru/intolymp.html?lang=ru#signup մինչև ս.թ. հոկտեմբերի 10-ը:
Հայտ ներկայացնելու համար, բացի ձևաչափը լրացնելուց պետք է պատրաստել նաև մոտիվացիոն նամակ: Մոտիվացիոն նամակը չի գնահատվում, այլ ծառայում է բացառպես՝ օլիմպիադային մասնակցելու հետաքրքրության և պատրաստակամության ցուցիչ:
Գրանցման հայտադիմումը լրացնելուց և մոդերատորի կողմից ստուգվելուց հետո, հայտադիմումի մեջ նշված էլ.հասցեին կուղարկվի մասնակցի անձնական հաշիվ մուտք գործելու օգտանունն ու գաղտնաբառը:
Օլիմպիադայում գրանցվելու պայմանների, մասնակցության կանոնների և վեբինարների վերաբերյալ մանրամասն տեղեկատվությունն հրապարակված է Երիտասարդական միջազգային օլիմպիադայի պաշտոնական կայքում https://olymp.hse.ru/inter/ , ինչպես նաև օլիմպիադայի սոցիալական էջերում:
