«Քվանտ» վարժարանի աշակերտական խորհուրդ
Նորություններ
"Քվանտ"-ի աշակերտական խորհրդի նորությունները
05.10.2016
Շնորհավո՛ր ձեր տոնը, սիրելի՛ ուսուցիչներ
Երբ մենք առաջին անգամ ոտք ենք դնում դպրոց, մեր վախվորած աչուկների համար ապաստան են դառնում մեր ուսուցիչները, ովքեր ջերմություն ու լույս են սփռում մեր շուրջը։ Մեզ համար դպրոցը դարձնելով երկրորդ օջախ` նրանք որդեգրում են մեզ` դառնալով օջախի հենասյունն ու մեր երկրորդ ծնողները։ Նրանք հրաշագործ են՝ ընդունակ տեղափոխելու մեզ մի դարաշրջանից մյուսը, նրանք անմահ են, ազգի ինքնություն կերտողը, կատարյալ են ու պաշտելի։
Ուսուցիչը կերտում է մարդուն։ Նա սովորեցնում է պայքարել, դիմադրել, հասնել բարձունքների և տալիս է այն, ինչն անգին է. նա տալիս է գիտելիք։
Այսօր նրանց տոնն է, և մեր վարժարանի I-III դասարանցիները խորին շնորհակակություն ու երախտագիտություն հայտնեցին իրենց ուսուցիչներին։ Միջոցառումն անցավ երգերով, գովեստի և շնորհակալական խոսքերով։ Նրանք կարողացան հասնել և դիպչել հարազատ ուսուցիչների սրտի լարերին։
Սիրելի՛ ուսուցիչներ
Շնորհավորում ենք ձեզ այս գեղեցիկ տոնի առթիվ։ Այս օրը ևս մեկ առիթ է գնահատելու և բարեմաղթանքի խոսք ասելու ձեզ, այն մարդկանց, ովքեր նվիրական ու անբասիր նկարագրով սիրված են բոլորի կողմից։ Անգնահատելի է ձեր բեղմնավոր աշխատանքը։
Մաղթում ենք ձեզ տոկունություն և առողջություն։
Սիրով և հարգանքով՝
ձեր աշակերտներ
Back to the list
Անդամներ
«Քվանտ» վարժարանի աշակերտական խորհրդի անդամները
Էդուարդ Անաստասյան - նախագահ
Աշոտ Ավետիսյան - փոխնախագահ
Միքայել Սարգսյան - քարտուղար
Բոլորը ...
Լավագույն աշակերտներ
"Քվանտ"-ի լավագույն աշակերտները
Բոլորը ...
08.11.2016
