Կողբ հիմնադրամ

Աշակերտական խորհրդի նորություններ

Պարգևատրվեցին 2015-2016 ուստարվա սպորտային միջոցառումների հաղթող դասարանները
Դասարանները ցուցաբերել էին համախմբվածություն, ուժ և կարողացել էին հասնել հաղթանակի․․․


 08.11.2016

Տեղի ունեցավ Աշակերտական խորհրդի անդրանիկ նիստը
Նիստի ավարտին 10-րդ դասարանի աշակերտուհի Անահիտ Հարությունյանը նշանակվեց ԱԽ նախագահի օգնական, իսկ Արմինե Խաչատրյանը՝ մամուլի պատասխանատու...


Ի՞նչ է ՄԲ-ն:

Միջազգային բակալավրիատը (International Baccalaureate - IB) հանրակրթության ոլորտի միջազգային կազմակերպություն է, որը կազմավորվել է 1968 թ.: Այսօր արդեն այն իր մեջ ընդգրկում է 146 երկրի 3668 դպրոց և իրավացիորեն միջազգային ճանաչում ունեցող հանրակրթական ամենահայտնի համակարգն է, որի ավարտական վկայականը հնարավորություն է տալիս առանց լրացուցիչ քննությունների ընդունվել աշխարհի մի շարք առաջատար համալսարաններ:

Միջազգային բակալավրիատն իրականացնում է կրթական քառաստիճան ծրագիր` տարրական (1-4-րդ դասարաններ), միջին (5-10-րդ դասարաններ), «Դիպլոմա» (11-12-րդ դասարաններ) և ԿՍ (Կարիերայի սերտիֆիկատ):

           

Ի՞նչ է ՄԲ «Դիպլոմա» ծրագիրը:

«Դիպլոմա»-ն Միջազգային բակալավրիատի ամենաբարձր աստիճանի երկամյա ծրագիրն է, որն իրականացվում է 11-րդ և 12-րդ դասարաններում (նախատեսված է 16-19 տարիքային խմբի համար): Այն ավարտվում է երկրորդ տարվա վերջում՝ մայիս ամսին` Միջազգային բակալավրիատի կողմից իրականացվող քննություններով:

 

Ի՞նչ առավելություններ ունի ՄԲ «Դիպլոմա» ծրագիրն ավարտած աշակերտը:

ՄԲ «Դիպլոմա» ծրագիրը լավագույնն է համարվում այն աշակերտների համար, ովքեր ձգտում ունեն իրենց կրթությունը շարունակելու աշխարհի առաջատար բուհերում:

Ծրագրի գերագույն նպատակը համակողմանի ու բազմակողմանի զարգացած, ազգային ու համաշխարհային արժեքներին քաջածանոթ, դրանք կրող ու դրանցով առաջնորդվող վառ անհատականությունների ձևավորումն է: Դրան հասնելու համար օգտագործվում են տարբեր մեթոդներ: Ստեղծված են բոլոր նպաստավոր պայմանները, որ համակարգում սովորող աշակերտները գերազանց ու խոր գիտելիքներ ստանան: Հենց դրա շնորհիվ է, որ ՄԲ «Դիպլոմա» ծրագիրն ավարտած սովորողների ստացած ավարտական վկայականն ընդունելի է աշխարհի առաջատար համալսարաններում ու տալիս է կրթաթոշակ ստանալու հնարավորություններ: 

 

Ինչպիսի՞ն է ՄԲ համակարգը Հայաստանում:

2011 թ. Հայաստանը միացավ Միջազգային բակալավրիատի ծրագրեր իրականացնող երկրներին: «Քվանտ» վարժարանն առաջինն էր, որ դարձավ ՄԲ կազմակերպության անդամ և ստացավ համապատասխան հավաստագիր կրթական քառաստիճան ծրագրերից ամենաբարձրի՝ ՄԲ «Դիպլոմա» ծրագիր իրականացնելու իրավունքով: 2013 թ.-ի գարնանը ՄԲ տարրական դասարանների ծրագրի իրականացման հավաստագիր է ստացել Անանիա Շիրակացի ճեմարանը, իսկ  2013 թ.-ի նոյեմբերին Դիլիջանի միջազգային դպրոցը ստացավ  «Դիպլոմա» ծրագրի ուսուցման հավաստագիր:

 

ՄԲ-ն «Քվանտ» վարժարանում: Առաջին շրջանավարտները:

Դեռևս 2011 թ. ՄԲ կազմակերպության անդամ դարձած «Քվանտ» վարժարանն այս տարի` 2013 թ.-ին, տվեց իր առաջին շրջանավարտները:  Հայաստանում ՄԲ-ի համակարգի 12 առաջամարտիկները գրանցեցին հրաշալի արդյունք. նրանց վաստակած միջին գնահատականը աշխարհի միջինը գերազանցեց շուրջ 5 միավորով` այդպիսով հնարավորություն տալով նրանցառանց լրացուցիչ քննությունների ընդունվել աշխարհի առաջատար համալսարաններ:

 

Ո՞վ կարող է սովորել ՄԲ-ում:

ՄԲ «Դիպլոմա» ծրագրով կարող է սովորել յուրաքանչյուր ոք, ով կազմակերպված է, մոտիվացված, ունի անգլերենի իմացության բարձր մակարդակ, հիմնավոր գիտելիքներ մաթեմատիկայից, բնագիտական կամ հումանիտար առարկաներից:

 

Ո՞րն է ՄԲ «Դիպլոմա» ծրագրի ուսուցման լեզուն:

ՄԲ «Դիպլոմա» ծրագրի շրջանակներում ուսուցումն իրականացվում է անգլերենով:

 

Ովքե՞ր են դասավանդում ՄԲ-ում:

ՄԲ-ում դասվանդում են բարձր որակավորում ունեցող, միջազգային մի շարք ծրագրերով վերապատրաստված դասախոսներ, որանց մի մասը որակավորված է որպես ՄԲ-փորձագետ (IB-examiner), ինչպես նաև արտերկրից հրավիրված մասնագետներ:

 

Առարկայական ի՞նչ խմբեր են գործում ՄԲ-ում:

Ծրագիրն ընդգրկում է առարկաների վեց խումբ,  ինչպես նաև  միջուկը կազմող բաժինները՝ ընդլայնվածակնարկ (Extended Essay), իմացության տեսություն (TOK-theory of knowledge), ստեղծագործական աշխատանք, ֆիզիկական ակտիվություն, ծառայության մատուցում (CAS - creativity, action, service):

 

Որո՞նք են գնահատման չափանիշները:

Յուրաքանչյուր առարկայի համար գործում է գնահատման 7 միավորանոց համակարգ, միջուկը կազմող բաղադրիչների համար ստանում են առավելագույնը երեք միավոր: Ծրագրի ավարտական քննությունների գումարային միավորը կազմում է 45:

 

Ինչպիսի՞ ավարտական վկայական են ստանում ծրագրի շրջանավարտները:

«Դիպլոմա» ծրագրի շրջանավարտները ստանում են ՀՀ պետական ատեստատ և  միջազգային դիպլոմ, որը հնարավորություն է տալիս ավարտական գնահատականներով ընդունվել աշխարհի առաջատար համալսարաններ: Միջազգային դիպլոմ ստանալու համար պահանջվում է նվազագույնը 24 միավոր (առավելագույն 45-ից):

 

Ո՞ր դեպքում ծրագրի շրջանավարտը դիպլոմ չի ստանում:

Վերոնշյալ շեմը չհաղթահարելու դեպքում ծրագրի շրջանավարտը ստանում է սերտիֆիկատ, որը նույնպես ընդունելի է մի շարք արտասահմանյան բուհերում (ոչ առաջատար):

 

Ո՞ր համալսարաններն են ընդունում ՄԲ դիպլոմը:

Աշխարհի 75 երկրների ավելի քան 1800 համալսարաններում (այդ թվում` աշխարհի առաջատար) Միջազգային բակալավրիատի  դիպլոմը համարվում է այցեքարտ՝ հնարավորություն ընձեռելով առանց լրացուցիչ քննությունների ընդունվելու նշված համալսարաններ:

 

Ի՞նչ է Pre-IB-ն (Միջազգային բակալավրիատի նախապատրաստական դասընթացներ):

Միջազգային բակալավրիատի նախապատրաստական դասընթացները (Pre-IB) հանդիսանում են եզակի կամուրջ` ՀՀ հանրակրթական ծրագրերի և Միջազգային բակալավրիատի ծրագրերի միջև: Այն նախատեսված է 8-րդ, 9-րդ և 10-րդ դասարանցիների համար: Ծրագրի շրջանակներում աշակերտները ծանոթանում են «Դիպլոմա» ծրագրի առարկաներին, սովորում են ՄԲ-ի պահանջներին համապատասխան անգլերեն, կատարում են հետազոտական աշխատանքներ, իրականացնում CAS ծրագրեր և այլն:

Մուտք համակարգ
Լոգին:
Գաղտնաբառ:
Register
Մոռացե՞լ եք ձեր ծածկագիրը
Երախտիքի խոսքեր

Նարեկի նամակը քվանտականին
Բարև ձեզ
Իմ անունը Նարեկ է, և այս նամակով...